Сања Атанасовска ја објави стихозбирката „Шафране мој“
Излезе од печат стихозбирката „Шафране мој“ на македонската поетеса Сања Атанасовска. Книгата се состои од 56 песни, поделени во две поглавја, Љубовни песни и Ехо на душата. Во песните доминира љубовта како мотив. Книгата е во издание на издавачката куќа Слово љубве – букви букс од Скопје. Ова е четврта книга поезија на авторката. Атанасовска работеше на оваа стихозбирка во текот на книжевниот резиденцијален престој во Цетиње, Црна Гора во април 2019 година.